ກິດຈະກຳການທ່ອງທ່ຽວ

   ການທ່ອງທ່ຽວທີ່​ໄດ້​ຮັບ​ຄວາມນິຍົມຫຼາຍກວ່າໝູ່ຢູ່​ໃນ ​ເມືອງ​ວັງ​ວຽງ ມີ​ດັ່ງ​ນີ້:
+ ການ​ລ່ອງ​ກົງ​ເບັງ​ຕາມ​ສາຍ​ນ້ຳ​ຊອງ
     ທົ່ວ​ເມືອ​ງມີ​ໜ່ວຍ​ບໍລິການ​ກົງ​ເບັງທັງ​ໝົດ 8 ໜ່ວຍ, ມີ​ສະມາ​ຊີກ 1.721 ​ຄົນ, ມີ​ກົງ​ເບັງ​ບໍລິການຮັບໃຊ້ 1,000 ​ກົງ. ຄ່າບໍລິການ 115.000ກິບ/ຄົນ.
+ ການ​ລ່ອງ​ເຮືອ​ກາ​ຍັກ: ມີ​ໜ່ວຍ​ບໍລິການ​ເຮືອ​ກາ​ຍັກ 20 ຫົວໜ່ວຍ, ມີ​ເຮືອນຳທ່ຽວ 253​ ລຳ. ຄ່າບໍລິການແຕ່ 100.000-300.000ກິບ/ຄົນ ເຊິງມີຫຼາຍກິດຈະກໍາຂອງການນໍາທ່ຽວ.
+ ການ​ຂີ່​ບາ​ລູນ: ການ​ຂີ່​ບາ​ລູນ ມີ​ໜ່ວຍ​ບໍລິການ​ບາ​ລູນ 2 ຫົວໜ່ວຍ ມີ​ບາ​ລູນ 5 ໜ່ວຍ, ສາມາດ​ບໍລິການ​ນັກ​ທ່ອງ​ທ່ຽວ​ໄດ້ 8 ຄົນ/ໜ່ວຍ, ຄ່າບໍລິການ 80$/ຄົນ/ຊົ່ວໂມງ.
+ ການ​ຂີ່​ສາຍ​ສະ​ລີ່​ງ: ມີ​ສະຖານ​ທີ່​ບໍລິການ​ໃຫ້​ນັກ​ທ່ອງ​ທ່ຽວ​ໄດ້​ຂີ່​ສະ​ລີ່​ງທ່ຽວຊົມ​ປ່າ​ຕາມ​ ​ທຳ​ມະ​ຊາດຢູ່ 7 ແຫ່ງຄື: ຢູ່ຖ້ຳ​ປູ​ຄຳ, ຖ້ຳນາໄຊ, ຖ້ຳນ້ຳ, ຖ້ຳລົມ, ນ້ຳນອນ, ນ້ຳແຖ້ມ ​ແລະ ​ສະຖານ​ທີ່​ນ້ຳຕົກຕາດ​ແກ້ງ​ຍຸຍ, ຄ່າບໍລິການ 250.000 ກີບ/ຄົນ.
 
 
+ ການປີ້ນຜາ: ມີສະຖານທີ່ບໍລິການປີ້ນຜາສໍາລັບນັກທ່ອງທ່ຽວ 1 ແຫ່ງ, ມີ 3 ຫົວໜ່ວຍບໍລິການ. ຄ່າບໍລິການ 150.000ກິບ/ຄົນ/ເຄິ່ງວັນ, ຖ້າເປັນ 1 ວັນແມ່ນ 250.000 ກິບ.
 
ການ​ຂີ່​ເຮືອຈັກ​ຫາງ​ຍາວ​ທ່ຽວຊົມ​ທຳ​ມະ​ຊາດ​ຕາມ​ສາຍ​ນ້ຳ​ຊອງ: ມີ​ກຸ່ມ​ບໍລິການ​ເຮືອຈັກ​ຫາງ​ຍາວ​ໜື່ງກຸ່ມ ​ແບ່ງ​ອອກ​ເປັນ 6 ໜ່ວຍ​ບໍລິການ ມີ​ເຮືອ​ຮັບ​ໃຊ້ທັງ​ໝົດ 90 ລຳ. ຄ່າບໍລິການ 40.000ກິບ/ຄົນ/ຊົ່ວໂມງ.
+ ການ​ຂີ່​ລົດຈັກ, ລົດຖີບ ​ແລະ​ ລົດ​ສີ່​ລໍ້​ວີ​ບາກ: ລົດຖີບໃຫ້ເຊົ່າລາຄາ 10.000-25.000 ກິບ/ຄົນ/ຄັນ, ລົດຈັກ 50.000-100.000ກິບ/ຄັນ, ລົດສີ່ລໍ້ວິບາກ 60$-80$/ຄັນ/ຊົ່ວໂມງ.
 
 
+ ການທ່ອງທ່ຽວວັດທະນະທຳ: ທ່ຽວຊົມຟຣີບໍ່ໄດ້ເກັບຄ່າບໍລິການ.
 
ວັດມະຫາທາດ ບ້ານວັງວຽງ                                  ສິມວັດ ບ້ານເມືອງຊອງ
+ ການທ່ຽວປ່າ: ມີໜ່ວຍບໍລິການນຳທ່ຽວສະເພາະ ເຊິ່ງເປັນກິດຈະກຳຍ່ອຍຂອງການລ່ອງເຮືອກາຍັກ.
 
ການທ່ຽວຊົມປ່າທຳມະຊາດ
error: Content is protected !!