ກອງ​ປະ​ຊຸມ​ເຜີ​ຍ​ແຜ່​ເຊື່ອມ​ຊຶມ​ມະ​ຕິ 7 ສະ​ໄໝ​ທີ X ຂອງ​ສູນ​ກາງ​ພັກ

​ຕອນ​ເຊົ້າ​ຂອງວັນ​ທີ 27 ກຸມ​ພາ 2019 ນີ້ ຢູ່​ທີ່​ຫ້ອງ​ປະ​ຊຸມ​ຊັ້ນ III ສຳ​ນັກ​ງານ​ປົກ​ຄອງ​ເມືອງວັງ​ວຽງ ໄດ້​ຈັດ​ຕັ້ງ​ການ​ເຜີຍ​ແຜ່​ເຊື່ອມ​ຊຶມ​ມະ​ຕິ 7 ສະ​ໄໝ​ທີ X ຂອງ​ສູນ​ກາງ​ພັກ​ຂຶ້ນ ພາຍ​ໃຕ້​ການ​ເປັນ​ປະ​ທານ ແລະ ເຜີຍ​ແຜ່​ຂອງ​ທ່ານ ຄຳ​ຜອງ ດວງວິ​ໄລ ກຳ​ມະ​ການ​ພັກ​ແຂວງ ເລ​ຂາ​ພັກ​ເມືອງ ເຈົ້າ​ເມືອງໆ​ວັງ​ວຽງ, ໂດຍ​ມີ​ບັນ​ດາ​ສະ​ຫາຍ​ໃນ​ຄະ​ນະ​ບໍ​ລິ​ຫານ​ງານ​ພັກ​ເມືອງ, ເລ​ຂາ​ຄະ​ນະ​ພັກ​ຮາກ​ຖານກຸ່ມ​ບ້ານ, ຫົວ​ໜ້າ​ຫ້ອງ​ການ, ຄະ​ນະ​ຫ້ອງ​ການ, ນາຍ​ບ້ານ 7 ບ້ານ​ໃນ​ເທດ​ສະ​ບານ​ເມືອງ​ເຂົ້າ​ຮ່ວມ.

ເອ​ກະ​ສານ​ທີ່​ນຳ​ມາ​ເຜີຍ​ແຜ່​ໃນ​ຄັ້ງ​ນີ້​ປະ​ກອບ​ດ້ວຍ: ການ​ເພີ່ມ​ທະ​ວີ​ການ​ນຳ​ພາ​ການ​ແກ້​ໄຂ​ຄວາມ​ຫຍຸ້ງ​ຍາກ​ທາງ​ດ້ານ​ເສດ​ຖະ​ກິດ​-ການ​ເງິນ ແລະ ສ້າງ​ຄວາມ​ເຂັ້ມ​ແຂງ​ໃນ​ການ​ຄຸ້ມ​ຄອງ​ມະ​ຫາ​ພາກ ແລະ ການ​ປັບ​ປຸງ​ຮາກ​ຖານການ​ເມືອງ​ຂອງ​ລະ​ບອບ​ປະ​ຊາ​ທິ​ປະ​ໄຕ​ປະ​ຊາ​ຊົນ​ໃຫ້​ເຂັ້ມ​ແຂງ​ໜ​ັກ​ແໜ້ນ ເພື່ອ​ເຮັດ​ໃຫ້​ທຸກ​ຄົນ​ໄດ້​ມີ​ຄວາມ​ຮັບ​ຮູ້​ເຂົ້າ​ໃຈ ແລະ ເປັນ​ເອ​ກະ​ພາບ​ຕໍ່​ກັບ​ທິດ​ທາງ, ວິ​ທີ​ການ ແລະ ມາດ​ຕະ​ການ​ໃນ​ການ​ແກ້​ໄຂ​ບັນ​ຫາ​ທ​ີ່​ທາງ​ເທິງ​ໄດ້​ວາງ​ອອກ​ໃຫ້​ສາ​ມາດ​ບັນ​ລຸ​ໄດ້​ຕາມ​ຈຸດ​ປະ​ສົງ.

ໃນ​ໂອ​ກາ​ນ​ດັ່ງ​ກ່າວ ຜູ້​ເຂົ້າ​ຮ່ວມກອງ​ປະ​ຊຸມ​ຍັງ​ໄດ້​ມີ​ການ​ສົນ​ທະ​ນາ ປະ​ກອບ​ຄຳ​ຄິດ​ຄຳ​ເຫັນ​ບັນ​ຫາ​ທີ່​ຕິດ​ພັນ​ກັບ​ວຽກ​ງານ​ໃນ​ຂະ​ແໜງ​ການ​ທີ່​ຕົນ​ຮັບ​ຜິດ​ຊອບ ເພື່ອ​ຊອກ​ໃຫ້​ຮູ້​ສາຍ​ເຫດ​ທີ່​ເປັນ​ພື້ນ​ຖານ ແລະ ວິ​ທີ​ການ​ໃນ​ການ​ແກ້​ໄຂ​ທີ່​ຖືກ​ຕ້ອງ​ແທດ​ເໝາະ​ກັບ​ສະ​ພາບ​ຄວາມ​ເປັນ​ຈິງ ເພື່ອ​ນຳ​ໄປ​ຈັດ​ຕັ້ງ​ປະ​ຕິ​ບັດ​ສະ​ເພາະ​ໜ້າ ໃຫ້​ໄດ້​ຮັບ​ຜົນ​ດີ.