ເກີດ​ເຫດ​ນ້ຳ​ຊອງ​ໄຫຼນອງ​ໃນ​ລະ​ດູ​ແລ້ງ

ຝົນ​ຕົກ​ລິນ​ຕິດ​ຕໍ່​ກັນ​ຢ່າງ​ບໍ່​ຂາດ​ສາຍ​ໃນ​ວັນ​ທີ 18-20 ກຸມ​ພາ 2022 ຜ່ານ​ມາ​ນີ້ ເຮັດ​ໃຫ້​ແມ່​ນ້ຳ​ຊອງ​ທີ່​ຢູ່​ໃນ​ສະ​ພາບ​ບົກ​ແຫ້ງ​ຕາມ​ປົກ​ກະ​ຕິ​ໃນ​ລະ​ດູ​ແລ້ງ​ນັ້ນ ໄດ້​ເພີ່ມ​ຂຶ້ນ​ຢ່າງ​ໄວ​ວາ ໄຫຼ​ແຮງ​ຖ້ວມ​ພັດ​ເອົາ​ຂົວ​ໄມ້​ຢູ່​ທີ່​ສະ​ຖານ​ທີ່​ທ່ອງ​ທ່ຽວ​ຖ້ຳ​ລົມ ແລະ ຕູບບໍ​ລິ​ການ​ທີ​ໃຊ້​ເປັນ​ບ່ອນ​ນັ່ງ​ພັກ​ຜ່ອນ​ກິນ-ດື່ມ​ຂອງ​ນັກ​ທ່ອງ​ທ່ຽວ​ຢູ່​ຕາມ​ແຄມ​ນ້ຳ​ຊອງ​ພັດ​ໄປ​ກັບ​ກະ​ແສ​ນ້ຳ ສ້າງ​ຄວ​າມ​ເສຍ​ຫາຍ​ໃຫ້​ແກ່​ຜູ້​ປະ​ກອບ​ການ​ເປັນ​ຈຳ​ນວນຫຼາຍ. ເຊີ່ງ​ຍັງ​ບໍ່​ທັນ​ໄດ້​ປະ​ເມີນ​ຕໍ່​ຄວາມ​ເສຍ​ຫາຍ​ດັ່ງ​ກ່າວ, ຖື​ວ່າ​ເປັນ​ເຫດ​ການ​ຄັ້ງ​ປະ​ຫວັດ​ສາດ​ທີ່​ເກີດ​ຂຶ້ນ​ຢູ່​ເມືອງວັງ​ວຽງ​ທີ່​ແມ່​ນ້ຳ​ຊອງ​ໄຫຼນອງ​ໃນ​ລະ​ດູ​ແລ້ງ​ຍ້ອ​ນ​ສະ​ພາບ​ຂອງ​ການ​ປ່ຽນ​ແປງ​ດິນ​ຟ້າ​ອາ​ກາດ. ປະ​ຈຸ​ບັນ​ສະ​ພາບ​ຂອງ​ນ້ຳ​ໄດ້​ເລີ່ມ​ບົກ​ແຫ້ງ​ລົງ​ແລ້ວ