ພິທີປ່ຽນຊື່ ໜ່ວຍບໍລິການປະກັນສັງຄົມປະຈຳເມືອງວັງວຽງ

ໃນວັນທີ 20 ມັງກອນ 2022 ຢູ່ທີ່ ຫ້ອງປະຊຸມຊັ້ນ III ຂອງຫ້ອງວ່າການເມືອງວັງວຽງ ໄດ້ມີພິທີປະກາດ ປ່ຽນຊື່ ໜ່ວຍບໍລິການປະກັນສັງຄົມປະຈຳເມືອງວັງວຽງ ມາເປັນສູນບໍລິການປະກັນສັງຄົມຂື້ນ ພາຍໃຕ້ການເປັນປະທານຮ່ວມຂອງ ທ່ານ ສຸວຽງທອງ ວົງຈຳປາ ຮອງເລຂາພັກເມືອງ ​ແລະ ທ່ານ ບົວສີ ສີນວົງສັກ ຫົວໜ້າ ຫ້ອງການປະກັນສັງຄົມແຂວງວຽງຈັນ, ນອກນັ້ນຍັງມີບັນດາທ່ານໃນ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ ແລະ ພະນັກງານທີ່ກ່ຽວຂ້ອງເຂົ້າຮ່ວມທັງໝົດ 38 ທ່ານ, ຍິງ 8 ທ່ານ

ໜ່ວຍບໍລິການປະກັນສັງຄົມປະຈຳເມືອງວັງວຽງເປັນໜ່ວຍງານທຳອິດ ໃນທົ່ວປະເທດ ທີ່ເຮັດທົດລອງຢູ່ເມືອງວັງວຽງ ສ້າງຕັ້ງຂື້ນໃນທ້າຍປີ 2016 ໂດຍອີງຕາມຄວາມຮຽກຮ້ອງຕ້ອງການໃນແຕ່ລະໄລຍະ ມາຮອດ ວັນທີ 20 ມັງກອນ 2022 ຈີ່ງໄດ້ມີພີທີປະກາດປຽນຊື່ ຈາກ ໜ່ວຍບໍລິການປະກັນສັງຄົມປະຈໍາເມືອງວັງວຽງ ມາເປັນ ສູນບໍລີການປະກັນສັງຄົມປະຈຳເມືອງວັງວຽງ ເຊີ່ງມີສຳນັກງານຕັ້ງຢູ່ ບ້ານ ພູດີນແດງ ເມືອງວັງວຽງ ແຂວງວຽງຈັນ.

ໃນພິທີດັ່ງກ່າວຍັງໄດ້ປະກາດການຈັດຕັ້ງພາຍໃນສູນດັ່ງກ່າວຄື:

  1. ທ່ານ ຈວງ ອຸໄທທິດ               ເປັນຫົວໜ້າສູນ
  2. ທ່ານ ອານຸສອນ ມະນີວັນ         ເປັນຮອງຫົວໜ້າສູນ
  3. ທ່ານ ນາງ ແສດ ຂຸນທະວີໄຊ ເປັນໜ່ວຍງານບໍລິຫານ-ກວດກາ
  4. ທ່ານ ນາງ ແຄັດຕີ້ ອິນທະລັກສາ ເປັນຫົວໜ້າຈຸງານ ບັນຊີ-ການເງິນ

ໃນຕອນທ້າຍຂອງພິທີຍັງໄດ້ຮັບຟັງການປະກອບຄຳຄິດຄຳເຫັນ ແລະ ໂອ້ລົມຈາກ ທ່ານ ສຸວຽງທອງ ວົງຈຳປາ ຮອງເລຂາພັກເມືອງ ແລະ ທ່ານ ບົວສີ ສີນວົງສັກ ຫົວໜ້າ ຫ້ອງການປະກັນສັງຄົມແຂວງວຽງຈັນ ເພື່ອເປັນທິດໃນການສືບຕໍ່ປະຕິບັດໜ້າທີ່ຂອງສູນດັ່ງກ່າວໃຫ້ມີຜົນສຳເລັດຕາມລະດັບຄາດໝາຍ ຕືມອີກ

ຮູບ​ພາບ​ຈາກ: ເມືອງວັງ​ວຽງ​ວັນ​ນີ້