ບໍ​ລິ​ສັດ ຢາ​ສູບ​ຫົງ​ຖາ​ໂຊກ​ດີ​ລາວ​-ຈີນ ຈຳ​ກັດ​ມອບ​ເຄື່ອງ​ຊ່ວຍ​ເຫຼືອ​ຜູ້​ປະ​ສົບ​ໄພ​ນ້ຳ​ຖ້ວມ

​ຕອນ​ເຊົ້າ​ຂອງວັນ​ທີ 21 ມີ​ຖຸ​ນາ 2021 ນີ້ ຢູ່​ທີ່​ສຳ​ນັກ​ປົກ​ຄອງ​ເມືອງວັງ​ວຽງ ບໍ​ລິ​ສັດ ​ຫົງ​ຖາ​ໂຊກ​ດີລາວ-ຈີນ ຈຳ​ກັດ ໄດ້​ນຳ​ເອົາ​ເຄື່ອງ​ປະ​ເພດ​ອຸ​ປະ​ໂພກ ແລະ ບໍ​ລິ​ໂພກ ມາ​ມອບ​ໃຫ້​ແກ່​ເມືອງວັງ​ວຽງ ເພື່ອ​ນຳ​ໄປ​ຊ່ວຍ​ເຫຼືອ​ຜູ້​ປະ​ສົບ​ໄພ​ນ້ຳ​ຖ້ວມ ຜ່ານ​ມາ ລວມ​ມູນ​ຄ່າ: 12,000,000 ກີບ. ກ່າວ​ຮັບ​ໂດຍ​ທ່ານ ກວຽນ​ທອງ ເທບ​ທິ​ດາ ຮອງ​ເຈົ້າ​ເມືອງໆ​ວັງ​ວຽງ ໂດຍ​ສ່ອງ​ໜ້າ​ຄະ​ນະ​ການ​ນຳ​ຂອງ​ເມືອງ ແລະ ຫ້ອງ​ການ​ທີ່​ກ່ຽວ​ຂ້ອງ.