ຊາວໜຸ່ມສຳນັກງານປົກຄອງເມືອງວັງວຽງ ສ້າງຂະບວນການປູກຕົ້ນໄມ້

ໃນຕອນເຊົ້າຂອງວັນທີ 5 ມີຖຸນາ 2020 ນີ້ ຊາວໜຸ່ມສຳນັກງານປົກຄອງເມືອງວັງວຽງ ໄດ້ພ້ອມກັນຈັດພິທີປູກຕົ້ນໄມ້ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນໄດ້ໝູນວຽນມາເຖິງ.

ໂດຍການເຂົ້າຮ່ວມຂອງບັນດາຫົວໜ້າຫ້ອງການ, ຄະນະຫ້ອງການ, ພະນັກງານ-ລັດຖະກອນພາຍໃນສຳນັກປົກຄອງເມືອງ ແລະ ນ້ອງນ້ອຍນັກຮຽນເຍົາວະຊົນ ຈາກໂຮງຮຽນປະຖົມບ້ານພູດິນແດງ. ສະຖານທີ່ປູກຢູ່ທີ່ເດີ່ນລຽບແຄມຮົ້ວຂອງສະໂມສອນ ສຳນັກງານປົກຄອງເມືອງວັງວຽງ ເພື່ອສ້າງຄວາມຮົ່ມເຢັນໃນອະນາຄົດ.