ກອງປະຊຸມໃຫຍ່ຄັ້ງທີ I ຂອງກຳມະບານຮາກຖານໂຮງງານຊີມັງລາວວັງວຽງ ຫຼັງ III

ບໍລິສັດ ຊີມັງລາວວັງວຽງ ຈຳກັດ
LAO VANGVIENG CEMENT CO.,LTD
ໂຮງງານຊີມັງລາວວັງວຽງ ຫຼັງ III
ທ່ານ ຄຳບົນ ໄຊເລົ່າວົງ
ຮອງເລຂາຄະນະພັກ ຮອງຜູ້ອຳນວຍການໃຫຍ່
ປະທານສະຫະພັນກຳມະບານລັດວິສາຫະກິດ ພກອ
  ຕອນເຊົ້າຂອງວັນທີ 26 ຕຸລາ 2018 ນີ້ ຢູ່ທີ່ຫ້ອງປະຊຸມຊັ້ນ 4 ຂອງໂຮງງານຊີມັງລາວວັງວຽງ ຫຼັງ III ໄດ້ເປີດກອງປະຊຸມໃຫຍ່ຄັ້ງທີ I ຂອງກຳມະບານຮາກຖານໂຮງງານຊີມັງວັງວຽງ ຫຼັງ III ຂຶ້ນ, ພາຍໃຕ້ການເປັນປະທານຂອງ ທ່ານ ຄຳບົນ ໄຊເລົ່າວົງ ຮອງເລຂາຄະນະພັກ ຮອງຜູ້ອຳນວຍການໃຫຍ່ ປະທານສະຫະພັນກຳມະບານລັດວິສາຫະກິດ ພກອ, ມີເລຂາໜ່ວຍພັກ, ປະທານສະຫະພັນກຳມະບານຮາກຖານໂຮງງານຊີມັງວັງວຽງ ຫຼັງ I, ຫຼັງ II, ຫົວໜ້າໜ່ວຍກຳມະບານ ບໍລິສັດຊີມັງລາວວັງວຽງ ຈຳກັດ, ປະທານ ແລະ ຮອງປະທານສະຫະພັນແມ່ຍິງໂຮງງານຊີມັງລາວວັງວຽງ ຫຼັງ III, ແຂກຖືກເຊີນ ແລະ ສະມາຊິກກຳມະບານເຂົ້າຮ່ວມທັງໝົດ 49 ສະຫາຍ.
  ກອງປະຊຸມ ໄດ້ຮັບຟັງການປະກອບຄຳຄິດຄຳເຫັນຂອງແຂກທີ່ຖືກເຊີນເຂົ້າຮ່ວມ ພ້ອມນັ້ນ ຍັງໄດ້ປ່ອນບັດຄັດເລືອກເອົາຄະນະກຳມະບານຊຸດໃໝ່ ເຊີ່ງປະກອບມີ:
1. ສະຫາຍ ວົງເພັດ ວົງວຽງແກ້ວ              ເປັນປະທານ ຊີ້ນຳລວມ ຮັບຜິດຊອບວຽກງານການເມືອງແນວຄິດ.
2. ສະຫາຍ ສີສົມພອນ ໄຊຊະນະມຸງຄຸນ        ເປັນຮອງປະທານ ຮັບຜິດຊອບວຽກໂຄສະນາອົບຮົມ, ວຽກປົກປ້ອງສິດຜົນປະໂຫຍດ ຂອງພະນັກງານ-ກຳມະກອນ, ຜູ້ອອກແຮງງານ.
3. ສະຫາຍ ສິງເພັດ ວິຈິດວົງສາ                ເປັນກຳມະການ ຮັບຜິດຊອບວຽກງານກວດກາ.
4. ສະຫາຍ ກ່ຳ ສີສົມພອນ                       ເປັນກຳມະການ ຮັບຜິດຊອບວຽກງານເສດຖະກິດ, ຄັງເງິນກຳມະການ.
5. ສະຫາຍ ສີສົມພູ ກ້ອງພະລັ່ນ               ເປັນກຳມະການ ຮັບຜິດຊອບວຽກງານຂະບວນການ.
   ສຸດທ້າຍ ກອງປະຊຸມໄດ້ເປັນກຽດຮັບຟັງການໂອ້ລົມຂອງ ສະຫາຍ ຄຳບົນ ໄຊເລົ່າວົງ ຮອງເລຂາຄະນະພັກ ຮອງຜູ້ອຳນວຍການໃຫຍ່ ປະທານສະຫະພັນກຳມະບານລັດວິສາຫະກິດ ພກອ. ເຊີ່ງໄດ້ເນັ້ນໃຫ້ກຳມະບານຮາກຖານ ຕ້ອງໄດ້ເອົາໃຈໃສ່ຕໍ່ມະຕິກອງປະຊຸມ ແລະ ທິດທາງແຜນການໃນຕໍ່ໜ້າຢ່າງເປັນຂະບວນການຟົດຟື້ນ, ສຶກສາອົບຮົມນຳພາແນວຄິດພະນັກງານອ້າຍນ້ອງ, ຍົກສູງນ້ຳໃຈເພີ່ງຕົນເອງ, ຍົກສູງໜ້າທີ່ການເມືອງ, ສ້າງຂະບວນການ 5 ເປັນເຈົ້າ, ຕັ້ງໜ້າກໍ່ສ້າງສະມາຊິກກຳມະບານໃຫ້ໄດ້ 100% ແລະ ສ້າງໃຫ້ໄດ້ໂຮງງານ 3 ປອດຄື: ປອດໃສ, ປອດໄພ ແລະ ປອດຄະດີ.
ທ່ານ ວົງເພັດ ວົງວຽງແກ້ວ
ປະທານຊີ້ນຳລວມ ຮັບຜິດຊອບວຽກງານການເມືອງແນວຄິດ
   ຊ້າຍ-ຂວາ

1. ທ່ານ ສີສົມພອນ ໄຊຊະນະມຸງ​ຄຸນ          ຮອງປະທານ ຮັບຜິດຊອບວຽກໂຄສະນາອົບຮົມ, ວຽກປົກປ້ອງສິດຜົນປະໂຫຍດ ຂອງພະນັກງານ-ກຳມະກອນ, ຜູ້ອອກແຮງງານ.

2. ສະຫາຍ ສິງເພັດ ວິຈິດວົງສາ                ກຳມະການ ຮັບຜິດຊອບວຽກງານກວດກາ.
3. ສະຫາຍ ກ່ຳ ສີສົມພອນ                       ກຳມະການ ຮັບຜິດຊອບວຽກງານເສດຖະກິດ, ຄັງເງິນກຳມະການ.
4. ສະຫາຍ ສີສົມພູ ກ້ອງພະລັ່ນ               ກຳມະການ ຮັບຜິດຊອບວຽກງານຂະບວນການ.
error: Content is protected !!