ທຄຕລ ສາຂາໂພນໂຮງ ແລະ ສາຂາວັງວຽງ ສ້າງຂະບວນການຂ່ຳນັບຮັບຕ້ອນວັນສ້າງຕັັ້ງ ທຫລ ຄົບຮອບ 50 ປີ

   ເພື່ອເປັນການສ້າງຂະບວນການຂ່ຳນັບຮັບຕ້ອນວັນສ້າງຕັ້ງ ທະນາຄານແຫ່ງ ສປປ ລາວ ຄົບຮອບ 50 ປີ (07/10/1968 – 07/10/2018) ພ້ອມທັງເປັນການສ້າງຂະບວນການຂ່ຳນັບຮັບຕ້ອນວັນຫັນເປັນທຸລະກິດຂອງ ທຄຕລ ຄົບຮອບ 29 ປີ (01/11/1989 – 01/11/2018), ທະນາຄານການຄ້າຕ່າງປະເທດລາວ ມະຫາຊົນ ສາຂາ ໂພນໂຮງ ແລະ ສາຂາ ວັງວຽງ ໄດ້ຈັດກິດຈະກຳເຕະບານມິດຕະພາບຍິງ-ຊາຍ ໃນວັນທີ 06 ເດືອນ ຕຸລາ ປີ 2018 ທີີ່ຜ່ານມາ, ເຊິື່ງໄດ້ຈັດຂຶ້ນຢູ່ທີ່ເມືອງວັງວຽງ ແຂວງວຽງຈັນ. ເຂົ້າຮ່ວມມີ: ຄະນະສາຂາ, ຄະນະຂະແໜງ, ຄະນະໜ່ວຍບໍລິການ, ພະນັກງານທັງສອງສາຂາ ພ້ອມດ້ວຍຄອບຄົວຂອງພະນັກງານເຂົ້າຮ່ວມຢ່າງພ້ອມພຽງ. ການແຂ່ງຂັນບານເຕະຍິງ-ຊາຍໄດ້ດຳເນີນໄປດ້ວຍບັນຍາກາດອັນຟົດຟື້ນ ເບີກບານມ່ວນຊື່ນເຕັມໄປດ້ວຍຄວາມສາມັກຄີຮັກແພງ ໄມຕີຈິດມິດຕະພາບ.
   ການສ້າງກິດຈະກຳໃນຄັ້ງນີ້ ນອກຈາກເປັນການຂ່ຳນັບຮັບຕ້ອນວັນສຳຄັນຂອງທະນາຄານແລ້ວ, ກໍເພື່ອເປັນການຮັດແໜ້ນຄວາມສາມັກຄີຂອງ ບັນດາອ້າຍ, ເອື້ອຍ, ນ້ອງພະນັກງານ ທຄຕລ ມະຫາຊົນ ທັງສອງສາຂາ ນຳອີກດ້ວຍ.
  • ນັກກິລາບານເຕະທີມຍິງລະຫວ່າງ ທຄຕລ ມະຫາຊົນ ສາຂາ ໂພນໂຮງ ແລະ ທຄຕລ ມະຫາຊົນ ສາຂາ ວງັວຽງ, ຜົນການແຂ່ງຂັນແມ່ນສະເໝີ 1 ປະຕູຕໍ່ 1.
  • ນັກກິລາບານເຕະທີມຊາຍລະຫວ່າງ ທຄຕລ ມະຫາຊົນ ສາຂາ ໂພນໂຮງ ແລະ ທຄຕລ ມະຫາຊົນ ສາຂາ ວງັວຽງ, ຜົນການແຂ່ງຂັນແມ່ນ ສາຂາ ໂພນໂຮງ ຊະນະ ສາຂາ ວັງວຽງ ໃນຈຳນວນ 7 ປະຕູຕໍ່ 6.

  • ພາບການແຂ່ງຂັນບານເຕະຍິງ-ຊາຍລະຫວ່າງ ທຄຕລ ມະຫາຊົນ ສາຂາ ໂພນໂຮງ ແລະ ທຄຕລ ມະຫາຊົນ ສາຂາ ວງັວຽງ.


ກວດແກ້ໂດຍ: ສົມໄພວັນ ພອນຄຳມາ ຂ່າວ-ພາບໂດຍ: ສົມຍົງ ບຸດສາລີ ແລະ ຄຳຮູ້ ໄຊສົມແພງ
error: Content is protected !!