ກຸ່ມ​ບໍ​ລິ​ສັດ​ ຕັງ​ຈະ​ເລີນ ຈຳ​ກັດ ມອບ​ເງິນ​ຊ່ວຍ​ເຫຼືອ​ພັດ​ທະ​ນາ​ເມືອງວັງ​ວຽງ

​ໃນ​ຕອນ​ເຊົ້າ​ຂອງວັນ​ທີ 12 ພະ​ຈິກ 2019 ນີ້ ຢູ່​ທີ່​ຫ້ອງ​ປະ​ຊຸມ​ຊັ້ນ I ສຳ​ນັກ​ງານ​ປົກ​ຄອງ​ເມືອງວັງ​ວຽງ ໄດ້​ຈັດ​ໃຫ້​ມີ​ພິ​ທີ​ມອບ-ຮັບ ເງິນ​ຊ່ວຍ​ເຫຼືອ​ການ​ພັດ​ທ​ະ​ນາ​ເມືອງວັງ​ວຽງຂ​ຶ້ນ. ຈາກ​ບໍ​ລິ​ສັດ​ຕັງ​ຈະ​ເລີນ ຈຳ​ກັດ (ໂຮງ​ແຮມ​ວັງ​ວຽງ​ແກ​ຣນ) ມູນ​ຄ່າ: 200,000,000 ກີບ. ເຊີ່ງ​ຜູ້​ກ່າວມອບ​ໄດ້​ແກ່ ທ່ານ ປາ​ສິດ ບັນ​ນາ​ວົງ ຕາງ​ໜ້າ​ກຸ່ມ​ບໍ​ລິ​ສັດ​ຕັງ​ຈະ​ເລີນ​ ຈຳ​ກັດ (ໂຮງ​ແຮມ​ວັງ​ວຽງ​ແກ​ຣນ), ຜູ້​ກ່າວ​ຮັບ​ໄດ້​ແກ່ ທ່ານ ບຸນ​ປັນ ພົມ​ມະ​ວົງ ຮອງ​ເລ​ຂາ​ພັກ​ເມືອງ ປ​ະ​ທານ​ແນວ​ລາວ​ສ້າງ​ຊາດ​ເມືອງ ຕາງ​ໜ້າ​ໃຫ້​ແກ່​ຄະ​ນະ​ນຳ​ຂອງ​ເມືອງ ໂດຍ​ສ່ອງ​ໜ້າ​ບັນ​ດາ​ສະ​ຫາຍ​ຄະ​ນະ​ການ​ນຳ​ຂອງ​ເມືອງ, ຫົວ​ໜ້າ​ຫ້ອງ​ການ ແລະ ຂະ​ແໜງ​ການ​ຕ່າງໆ ທີ່​ກ່ຽວ​ຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.

ຈຳ​ນວນ​ເງິນ​ທີ່​ໄດ້​ນຳ​ມາ​ມອບ​ນີ້ ທາງ​ເມືອງ​ຈະ​ໄດ້​ນຳ​ໄປ​ເປັນ​ທຶນ​ໃນ​ການ​ສ້ອມ​ແປງ​ອາ​ຄານ​ສຳ​ນ​ັກ​ງານ​ປົກ​ຄອງ​ເມືອງ, ປະ​ຕູ​ໂຂງ​ທາງ​ເຂົ້າ​ທີ່​ຖືກ​ເປ່​ເພ ແລະ ປູ​ເບ​ຕົງ​ດ້ານ​ໜ້າ​ສະ​ໂມ​ສອນຫຼັງ​ໃໝ່​ໃຫ້​ມີ​ຄວາມ​ເປັນ​ລະ​ບຽບ​ຮຽບ​ຮ້ອຍ ສະ​ອາດ​ຈົບ​ງາມ, ເຊີ່ງ​ໄດ້​ລົງ​ມື​ຈັດ​ຕັ້ງ​ປະ​ຕິ​ບັດ​ເຮັດ​ສຳ​ເລັດ​ໄປ​ແລ້ວ​ຍັງ​ບໍ​່​ທັນ​ໄດ້​ສຳ​ລະ​ສະ​ສາງ. ທ່ານ ບຸນ​ປັນ ພົມ​ມະ​ວົງ ຮອງ​ເລ​ຂາ​ພັກ​ເມືອງ ຕາງ​ໜ້າ​ໃຫ້​ແກ່​ການ​ນຳ​ເມືອງ ກໍ​ໄດ້​ສະ​ແດງ​ຄວາມ​ຂອບ​ອົກ​ຂອບ​ໃຈ ແລະ ຮູ້​ບຸນ​ຄຸນ​ເປັນ​ຢ່າງ​ສູງ​ມາ​ຍັງ​ທາງ​ບໍ​ລິ​ສັດ ທີ່​ໄດ້​ປະ​ກອບ​ສ່ວນ​ເຂົ້າ​ໃນ​ການ​ສ້າງ​ສາ​ພັດ​ທະ​ນາ​ ຢູ່​ເມືອງວັງ​ວຽງ ເປັນ​ການ​ຊ່ວຍ​ແບ່ງ​ເບົາ​ຄວາມ​ຫຍຸ້ງ​ຍາກ​ທາງ​ດ້ານ​ງົບ​ປະ​ມານ​ທີ່​ຈຳ​ເປັນ​ຂອງ​ເມືອງ​ຕື່ມ​ອີກ.