ເມືອງວັງວຽງ ຈັດຕັ້ງການເຜີຍແຜ່ສະພາບຊາຍແດນລາວ-ກຳປູເຈຍ

   ໃນຕອນເຊົ້າຂອງວັນທີ 12 ມີຖຸນາ 2018 ນີ້ ຢູ່ທີ່ສະໂມສອນໃຫຍ່ເມືອງວັງວຽງ ໄດ້ຈັດໃຫ້ມີກອງປະຊຸມເຜີຍແຜ່ເອກະສານສະພາບການຊາຍແດນລາວ-ກຳປູເຈຍຂຶ້ນ.
   ໂດຍການໃຫ້ກຽດບັນລະຍາຍເຜີຍແຜ່ຂອງ ທ່ານ ຄຳຜອງ ດວງວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆວັງວຽງ, ເຂົ້າຮ່ວມຮັບຟັງການເຜີຍແຜ່ໃນຄັ້ງນີ້ ມີບັນດາສະຫາຍຄະນະການນຳຂອງເມືອງ, ກຳມະການພັກເມືອງ, ຫົວໜ້າຫ້ອງການ, ຄະນະພັກຮາກຖານ, ເລຂາໜ່ວຍພັກຕ່າງໆ ອ້ອມຂ້າງເມືອງຕະຫຼອດຮອດພະນັກງານ-ລັດຖະກອນຢູ່ພາຍໃນເມືອງກໍໄດ້ເຂົ້າຮ່ວມເປັນຈຳນວນຫຼວງຫຼາຍ.
   ຈຸດປະສົງຂອງການເຜີຍແຜ່ໃນຄັ້ງນີ້ ແມ່ນເພື່ອເຮັດໃຫ້ບັນດາພະນັກງານນຳພາ-ຄຸ້ມຄອງ, ພະນັກງານຫຼັກແຫຼ່ງໃນທົ່ວເມືອງ ໄດ້ມີຄວາມຮັບຮູ້ ແລະ ເຂົ້າໃຈຕໍ່ກັບຄວາມເປັນມາການພົວພັນທາງປະຫວັດສາດລະຫວ່າງລາວ ແລະ ກຳປູເຈຍແຕ່ສະໄໝແຫ່ງການຕໍ່ສູ້ກູ້ຊາດມາຈົນເຖິງປະຈຸບັນ, ສະພາບການສຳຫຼວດປັກຫຼັກໝາຍຊາຍແດນລະຫວ່າງ ສ ປ ປ ລາວ ກັບບັນດາປະເທດອ້ອມຂ້າງ, ບັນຫາທີ່ເກີດຂຶ້ນທີ່ພົວພັນເຖິງຊາຍແດນລາວ-ກຳປູເຈຍໃນປະຈຸບັນ ເພື່ອເຮັດໃຫ້ພະນັກງານ, ສະມາຊິກພັກທຸກຄົນໄດ້ມີຄວາມຮັບຮູ້ ແລະ ເຂົ້າໃຈ ເປັນເອກະພາບສູງຕໍ່ກັບທັດສະນະຂອງພັກເຮົາກ່ຽວກັບທິດທາງ ແລະ ວິທີການແກ້ໄຂບັນຫາທີ່ເກີດຂຶ້ນ ເພື່ອໃຫ້ທຸກຄົນໄດ້ມີສະຕິລະວັງຕົວຕໍ່ການໂຄສະນາແບ່ງແຍກຄວາມສາມັກຄີຂອງກຸ່ມຄົນທີ່ບໍ່ຫວັງດີ, ແນ່ໃສ່ປົກປັກຮັກສາເຂດນ້ຳແດນດິນອະທິປະໄຕຂອງຊາດໄວ້ໃຫ້ໝັ້ນຄົງ.
error: Content is protected !!