ກອງປະຊຸມໃຫຍ່ຄັ້ງທີ I ຂອງໜ່ວຍສະຫະພັນແມ່ຍິງ ໂຮງງານຊີມັງ ຫຼັງ III

ບໍລິສັດ ຊີມັງລາວວັງວຽງ ຈຳກັດ
LAO VANGVIENG CEMENT CO.,LTD
ໂຮງງານຊີມັງລາວວັງວຽງ ຫຼັງ III
ຕອນເຊົ້າຂອງວັນທີ 17 ສິງຫາ 2018 ນີ້ ຢູ່ທີ່ຫ້ອງປະຊຸມຊັ້ນ 4 ຂອງໂຮງງານຊີມັງລາວວັງວຽງ ຫຼັງ III ໄດ້ເປີດກອງປະຊຸມໃຫຍ່ຄັ້ງທີ I ຂອງໜ່ວຍສະຫະພັນແມ່ຍິງຂຶ້ນ, ພາຍໃຕ້ການເປັນປະທານຂອງ ທ່ານ ນາງ ຈັນທະລາ ສຸນະຜົນ ປະທານສະຫະພັນແມ່ຍິງລັດວິສາຫະກິດ ພກອ, ມີເລຂາໜ່ວຍພັກ, ປະທານໜ່ວຍສະຫະພັນແມ່ຍິງ ໂຮງງານຊັງຫຼັງ I, ຫຼັງ II , ປະທານກຳມະບານຮາກຖານ, ແຂກຖືກເຊີນ ແລະ ສະມາຊິກສະຫະພັນແມ່ຍິງເຂົ້າຮ່ວມທັງໝົດ 16 ສະຫາຍ.

ກອງປະຊຸມໄດ້ຮັບຟັງການຜ່ານບົດລາຍງານການເມືອງຂອງໜ່ວຍສະຫະພັນແມ່ຍິງໂຮງງານຊີມັງລາວວັງວຽງ ຫຼັງ III ໂດຍໄດ້ສະຫຼຸບຕີລາຄາຜົນການຈັດຕັ້ງປະຕິບັດທິດທາງແຜນການໃນຊຸມປີຜ່ານ ແລະ ວາງທິດທາງແຜນການໃນຊຸມປີຕໍ່ໜ້າ ເຊີ່ງສະເໜີໂດຍ ສະຫາຍ ນາງ ມະນີຈິດ ພິພັກຂະວົງ ປະທານໜ່ວຍສະຫະພັນແມ່ຍິງໂຮງງານຊີມັງລາວວັງວຽງ ຫຼັງ III ແລະ ຈາກນັ້ນ ທີ່ປະຊຸມກໍໄດ້ຮັບຟັງການປະກອບຄຳຄິດຄຳເຫັນຂອງແຂກທີ່ຖືກເຊີນເຂົ້າຮ່ວມ ພ້ອມນັ້ນ ຍັງໄດ້ປ່ອນບັດຄັດເລືອກເອົາຄະນະໜ່ວຍຊຸດໃໝ່ ເຊີ່ງປະກອບມີ:
1. ສະຫາຍ ນາງ ມະນີຈິດ ພິພັກຂະວົງ                 ເປັນປະທານ.
2. ສະຫາຍ ນາງ ບົວສີ ພົມມະຈັກ                        ເປັນຮອງ.
3. ສະຫາຍ ນາງ ລັດດາວັນ ນາມມະໄຊ                ເປັນຄະນະ.
ສຸດທ້າຍ ກອງປະຊຸມໄດ້ເປັນກຽດຮັບຟັງການໂອ້ລົມຂອງ ສະຫາຍ ນາງ ຈັນທະລາ ສຸນະຜົນ ປະທານສະຫະພັນແມ່ຍິງ ລັດວິສາຫະກິດ ພກອ. ເຊີ່ງໄດ້ເນັ້ນໃຫ້ໜ່ວຍສະຫະພັນແມ່ຍິງ ຕ້ອງໄດ້ເອົາໃຈໃສ່ຕໍ່ການຈັດຕັ້ງປະຕິບັດມະຕິກອງປະຊຸມ ແລະ ທິດທາງແຜນການໃນຕໍ່ໜ້າຢ່າງເປັນຂະບວນການຟົດຟື້ນ ຄຽງຄູ່ກັບການສ້າງຂະບວນການຕ້ອນຮັບວັນປະຫວັດສາດສຳຄັນຕ່າງໆ ຂອງພັກ ແລະ ຂອງກອງທັບ.